Каспий теңізіндегі 14 адам қаза тапқан жаттығудан соң әскери-теңіз күштері қолбасшысының бірінші орынбасары-штаб бастығы, екі әскери бөлімнің командирі, теңіз-жаяу әскері ротасының және «Қайсар» қатерінің командирлері ұсталды. Бұл туралы ішкі істер министрлігі хабарлады.
Мәліметке қарағанда 25 қыркүйекте ұсталған 5 адамның барлығы Ақтаудағы уақытша ұстау абақтысына қамалған. Министрлік «Хазар қорғаны — 2026″ оқу-жаттығуы кезінде әскери қызметшілердің қаза болу фактісі бойынша тергеу жүріп жатыр»,- деп хабарлған.
Жаттығуды ұйымдастыру және шешім қабылдаудың мән-жайы, қауіпсіздік талаптарының сақталуы, ауа райы жағдайының ескерілуі, катердің техникалық жай-күйі, жеке құрамның қауіпсіздігіне жауапты лауазымды әскерилердің әрекеттері тергеліп жатыр.
23 қыркүйекте Маңғыстау облысындағы әскери жаттығу кезінде Каспий теңізіне ағып кеткен 17 сарбаздың 14-і қаза тапты. Әуелде 19 адамның ағып кеткені, оның 9-ы қаза тапқаны хабарланған. Соңынан қаза болғандардың мәйіті табылып құрбандар саны ұлғайды. Екі мәйіт бүгіт табылып, қаза тапқандар саны 14-ке жетті. Үшеуі құтқарылып, біреуі ауруханада жатыр. 25 қыркүйекті президент жалпыұлттық аза тұту күні ретінде жариялаған.
