31 тамызда президент Қасым-Жомарт Тоқаев Ерлан Қаринды вице-президент лауазымына тағайындап, оны Президент әкімшілігі басшысының орынбасары қызметінен босатты.
Кариннің кандидатурасын вице-президенттік үшін Құрылтайға ұсынғанда президент Тоқаев мынандай жайларға тоқталды.
«Вице-президент ерекше рөл атқаратын болады, Құрылтай депутаттарымен тығыз жұмыс жасап, Конституциямен айқындалған өкілеттіктерді жүзеге асырады. Осыған байланысты мен Ерлан Қариннің кандидатурасын ұсынамын. Ол — көп жылдар бойы мемлекеттік қызметте еңбек етіп келе жатқан танымал мемлекет қайраткері. Тәжірибесі мол, оны жақсы білесіздер. Ол ұзақ жылдар бойы еліміздің дамуына елеулі үлес қосып келеді. Сондықтан оны лайықты кандидат деп санаймын және Құрылтай депутаттарынан осы кандидатураны қолдауды сұраймын», — деген Қасым-Жомарт Тоқаев.
Депутаттар президент ұсынған кандидатураны мақұлдаған. Соңынан президенттің тиісті жарлығымен Ерлан Қарин вице-президент болып тағайындалды.
Ел басшысы 2026 жылы Қызылорда өткен Ұлттық құрылтайдың соңғы жиынында мемлекеттік кеңесші қызметі жойылып, вице-президент лауазымы енгізілетінін айтқан еді. Сол кезде мемлекеттік кеңесші қызметін Ерлан Қарин атқарған.
Бұған қоса ел басшысы 31 тамызда Құрылтайдың қарауына премьер-министр ретінде ұсынған Олжас Бектеновтің кандидатурасын да депутаттар қолдады.
Президент тағы бір жарлығымен Аида Балаеваны Қауіпсіздік кеңесі төрағасының орынбасары етіп тағайындады. Бұдан алдын Қауіпсіздік кеңесінің аппараты мемлекеттік орган ретінде құрылатыны хабарланған. Тоқаев Балаеваны жаңа лауазымға тағайындай отырып, кеңестің хатшысы болып келген Ғизат Нұрдәулетовті қызметтен босатты. Президентке тікелей бағынатын және есеп беретін жаңа мемлекеттік орган ұлттық қауіпсіздікті, заң мен тәртіпті қамтамасыз ету мәселелерімен айналысады делінеді.
Президент Тоқаев бұдан алдын, 28 тамыз күні Құрылтай төрағалығына «Әділет» партиясының басшысы Айбек Дәдебайдың кандидатурасын ұсынған. Ұсыныс басым дауыспен қабылданған.
