18 тамызда Алматы соты журналист Orda.kz сайтының редакторы Гүлнар Бажкенованы кінәлі деп танып, 8 жылға бостандығынан айырды. Үкім екі жылдан кейін орындалады.
Азаттық радиосының мәліметіне қарағанда, бұған қоса Бажкеноваға журналистикамен және қоғамдық қызметпен айналысуға 5 жылға тыйым салынды.
Гүлнар Бажкеноваға Қылмыстық кодекстің 189-бабы («Біреудің мүлкін иемдену және жымқыру»), 214-бабы («Заңсыз кәсіпкерлік қызметпен айналысу») және 274-бабы («Көрінеу жалған ақпарат тарату») бойынша айыптар тағылған.
Сейсенбі күні соттағы соңғы сөзінде Гүлнар Бажкенова өзіне тағылған айыптарды тағы да жоққа шығарып, соттан өзін кәсіби құқықтарынан айырмауын сұраған. Ол журналистік қызметке тыйым салуды «азаматтық өлім жазасына» теңеген.
Бұл сот процесі бір жарым айға созылды. Гүлнар Бажкенова былтырғы желтоқсан айынан бері мырза-қамақта отырған еді.
Медиа-сарапшылар шығармашылық адамын өз кәсібінен ұзаққа шеттетуді сынаған. Олар журналистің мұндай үкімге кесілуіне оның жоғары лауазымды басшыларға қатысты таратқан ақпараты себеп болды деп санайды.
