Президент Қасым-Жомарт Тоқаев Ұлттық қауіпсіздік комитетінің (ҰҚК) бұрынғы төрағасы Кәрім Мәсімовке рақымшылық жасаудан бас тартты, деп хабарлайды, ҚазТАГ агенттігі.
Бұл туралы мәліметті ҚазТАГ редакциясына 23 шілдеде президент әкімшілігіндегі дереккөз растады.
Еске сала кетейік, 2023 жылдың 24 сәуірінде Астана соты ҰҚК-інің бұрынғы басшысы Кәрім Мәсімовті Қылмыстық кодекстің 175-бабының 1-бөлігі (мемлекетке опасыздық) 3-бөлігі, 179-бабы (билікті күштеп басып алу), 362-бабының 4-бөлігінің 3-тармағы (билік және лауазымдық өкілеттіктерді асыра пайдалану) бойынша қозғалған іске орай 18 жылға соттаған болатын.
Оның бұрынғы орынбасарлары Әнуар Садықұлов – 16 жылға, Дәулет Ерғожин – 15 жылға және Марат Осипов үш жылға сотталды.
30 мамырда ҚазТАГ Мәсімовтің жазасын өтеу режимі жұмсартылатынын хабарлады, ал 16 маусымда агенттік ақпараты расталды — Ұлттық қауіпсіздік комитетінің бұрынғы басшысы мен оның екі орынбасарының бірінші сатыдағы сотының үкімі өзгертілді. Сол бойынша олар қатаң режимдегі түрмеден қауіпсіздігі орташаға деңгейдегі түзеу мекемесіне ауыстырылды. Алайда ҚазТАГ анықтай келгенде 11 шілдедегі жағдай бойынша Кәрім Мәсімов пен оның бұрынғы орынбасарлары орташа қауіпсіздік мекемесіне ауыстырылмағаны белгілі болған.
10 маусымда Мәсімов Қазақстан президенті Қасым-Жомарт Тоқаевтан кешірім сұраған.
14 маусымда Мәжіліс депутаты Ермұрат Бапи Мәсімовтің кешірім жасау туралы өтінішіне қатысты жағдайға түсініктеме бере отырып, оны экс-президент Нұрсұлтан Назарбаевқа қарсы куәлік беруге шақырған.
28 маусымда Тоқаевқа Мәсімовке кешірім беруден бас тарту ұсынылғаны белгілі болды.
