Ұлттық қауіпсіздік комитетінің (ҰҚК) бұрынғы төрағасы, бұрынғы премьер Кәрім Мәсімовтің жазасын жеңілдетуі немесе бостандыққа шығуы үшін Қаңтар оқиғасы туралы бар шындықты айтуды ұсынылуы мүмкін. Бұл туралы «Орда» сайты хабарлап отыр.
«Мен өз басым Мәсімовті ұйымдастырушы деп ойламаймын. Сондықтан, егер ол қатты сөйлейтін болса, оған жұмсақ қарауға болады. Мысалы, ол Қауіпсіздік кеңесі төрағасының бұйрықтарын орындауға мәжбүр болғанын айтатын болса (Қаңтар оқиғасына дейін Қауіпсіздік кеңесін Нұрсұлтан Назарбаев басқарды). Кәрім Мәсімов көп жылдар бойы премьер-министр және Назарбаевтың сенімді адамы болғанын атап өтемін. Ол тұңғыш президенттің жеке ісімен де айналысты. Мәсімов атақты «Қазақгейттен» кейін Еуропадан өз активтерін шығарып жатқан, сонымен қатар «Көне Қазақстанның» активтерін Оңтүстік-Шығыс Азияда, Қытайда, Шанхайда, Гонконгта және Әмірліктерде орналастыруға қатысқан. Егер Мәсімов барлық транзакцияларды әшкерелеп, соның есесіне бостандық сұрайтын болса, рақымшылық жасау керек деп ойлаймын», — дейді Мәжіліс депутаты Ермұрат Бапи.
Бапидің айтуынша, Кәрім Мәсімов Қаңтар оқиғасын ұйымдастырмауы мүмкін. Оның айтуынша, Мәсімов Қаңтардағы оқиғалардың барлық тізбегін көрсетіп, басты ұйымдастырушыны атауы керек.
«Біз үшін оны түрмеде ұстаудан гөрі, тәркіленген мүліктер туралы ақпаратты анықтау маңыздырақ. Оның түрмеде отырғанынан халыққа пайдасы жоқ», — дейді Бапи.
Мәсімов 2022 жылы Қаңтар оқиғасы кезінде қамауға алынған. Былтыр 24 сәуірде Астана қаласы қылмыстық істер жөніндегі ауданаралық соты Қазақстан ұлттық қауіпсіздік комитетінің бұрынғы басшысы Кәрім Мәсімовті «мемлекетке опасыздық жасады», «билікті басып алуға оқталды» және «қызмет өкілетін асыра пайдаланды» деп айыптап, 18 жылға бас бостандығынан айыруға үкім шығарды.
ҰҚК ақпаратынша, Мәсімовтің үстінен Қылмыстық кодекстің «Қылмыстық жолмен алынған ақша мен өзге де мүлікті заңдастыру» және «Аса ірі мөлшерде пара алу» баптары бойынша сотқа дейінгі тергеу жүріп жатыр.
Оның бұрынғы орынбасарлары Әнуар Садықұлов — 16, Дәулет Ерғожин — 15 және Марат Осипов үш жылға сотталды.
10 маусымда Кәрім Мәсімовтің Қазақстан президенті Қасым-Жомарт Тоқаевтан кешірім сұрағаны белгілі болды.
