Қырғызстанның парламенті — жогорку кенеш үйі шетелдік туристер үшін аптасына бір рет қақпасын ашпақ. Сондайда қонақтар парламент ғимаратымен таныса алады.
Кazinform агенттігінің жогорку кенеш баспасөз қызметіне сілтеп хабарлауынша, экскурсия барысында туристер парламенттің музейі мен мәжіліс залдарын аралап көре алады. Мұндай экскурсиялар белгіленген тәртіппен аптасына бір рет өткізілмек.
«Экскурсия ұйымдастыру Жогорку Кенештің қызметімен жақынырақ танысуға мүмкіндік беріп, шетелдік қонақтардың Қырғыз Республикасындағы негізгі мемлекеттік билік органдарының бірі — парламент туралы кеңірек түсінік алуына жол ашады. Сонымен қатар келушілер арнайы кәдесый бұрышынан естелік өнімдер сатып ала алады», — делінген ресми хабарламада.
Ал Қырғызстан азаматтары үшін белгіленген талап пен тәртіп басқаша қарастырылған. Олар парламент ғимаратына аптаның бес жұмыс күнінде де келе алады.
Бұған дейін Қырғызстанда туристерді міндетті сақтандыру ережелері бекітілген.
Еуропаның, сондай-ақ Азияның кейбір елдерінде туристер парламент және басқа билік орындары мекендеген ғимараттарды аралап көре алады.
27 қыркүйек — бүкіләлемдік туризм күні.
