Ел басшысы Қасым-Жомарт Тоқаев 23 тамызда Тәуелсіздік сарайында өткен брифингте 2029 жылғы Президент сайлауына қатысуы немесе қатыспауы туралы тілшілер сұрағына жауап берді.
Qazinform агенттігінің мәліметінше, президент бұл туралы мәселег 2027 жылы айналып соғатынын айтқан.
«Жуырда Конституциялық сот жариялаған түсіндірмеге сәйкес, Сіздің Мемлекет басшысы ретінде Президент лауазымына қайта сайлануға құқығыңыз бар екен. Бұл жаңалық қоғамды елең еткізді. Сіз өз құқыңызды пайдаланып, 2029 жылғы Президент сайлауына түсуді жоспарлап отырсыз ба? Президент сайлауы 2029 жылы өте ме, әлде кезектен тыс сайлау болуы мүмкін бе?» — деген сұрақ қойылған.
Тоқаев президент сайлауын өткізуге және оған қатысатыны немесе қатыспайтыны туралы сөз қозғауға әлі ерте екенін айтқан.
«Конституциялық сот осындай шешім қабылдады. Әлбетте, заң жүзінде менің қайта сайлануға құқығым бар. Бірақ алдағы уақытта сайлау өткізуге және оған қатысатыным немесе қатыспайтыным туралы сөз қозғауға әлі ерте, — деп жауап берген президент.
Ел басшысы «Алдағы уақытта тағы жолығармыз. Бәлкім, келесі жылы… Сол кезде сізге нақты жауап беремін,»- деген.
Президент Қасым-Жомарт Тоқаев Тәуелсіздік сарайында орналасқан №520 сайлау учаскесінде дауыс берген болатын.
