Қазақстандағы электр энергиясының өшуіне Орталық Азия энергетикалық жүйесі тарапынан электр энергиясы ауысымының күрт өзгеруі себеп болды деп хабарланды.
ҚазТАГ агенттігі салалық министрлікке сілтеме жасап осындай мәлімет таратты.
«2026 жылғы 14 тамызда энергетикалық жүйеде қуаттың күрт артуы орын алып, оған Орталық Азияның энергетикалық жүйесі тарапынан электр энергиясы ауысымының күрт өзгеруі себеп болды. Нәтижесінде апатқа қарсы автоматика іске қосылып, кейбір өңірлеріндегі тұтынушылар ажыратылды. Қазіргі уақытта жүйелік оператор «KEGOC» АҚ қажетті қалпына келтіру жұмыстарын жүргізуде. Кей өңірлерде электр энергиясымен қамту қалпына келді. Жағдай энергетика министрлігінің бақылауында», — деп хабарлады жұма күні Қазақстанның энергетика министрлігінің баспасөз қызметі.
Бұған дейін Алматы мен Алматы облысында жарықтың өшкені хабарланған болатын. Ішінара Қырғызстан, Өзбекстан және Тәжікстанда да электр энергиясының өшкені хабарланды. Алматыдан бөлек, Алматы облысының бірден 10 ауданында жарықтың өшкені белгілі болды.
