АҚШ пен Иран арасындағы соғысты тоқтату келісіміне қол қойылғаны хабарланғаннан бері мұнай бағасы төмендей бастады.
ICE биржасында Brent қоспасының фьючерстері әр бөшкесіне, немесе барреліне 77,91 доллардан сатылып жатыр. Бұл – 1,33 пайыздық төмендеу. Ал WTI маркасы 1,565 пайызға арзандады, бөшкесі 74,86 доллардан саудалануда.
Мамыр айының соңында мұнай бағасы 100 доллар төңірегінде шырқап кеткен еді. Дегенмен соғысқа киілккен АҚШ пен Иран арасындағы келісім туралы сөз қозғалғаннан бері баға түсе бастады. Тамыз айындағы жеткізілімге арналған Brent маркалы мұнай фьючерстері 1,13 пайызға төмендеп, барреліне 78,65 долларды құрады, ал шілде айындағы WTI келісімшарттары 1,26 пайызға арзандап, бөшкесіне 75,82 доллар шамасындағы бағаны көрсетіп тұр.
Халықаралық энергетика агенттігі (ХЭА) қақтығыстың ұзақ мерзімді шешімі келесі жылы ұсыныстың айтарлықтай өсуіне және мұнайдың үлкен профицитіне әкеледі деп болжап отыр.
Бұған дейін АҚШ пен Иран бейбітшілік бойынша келісімге келгені хабарланған болатын. Бейбітшілік келісіміне ресми қол қою рәсімі 19 маусымда Швейцарияда өтуі мүмкін. Екі ел арасындағы бейбітшілік келісімі Ормуз бұғазының ашылуына және әлемдік нарықта шикізат жеткізілімінің артуына жол ашады.
