Ирандық Mehr News агенттігінің хабарлауынша, Тегеранда Имам Хомейни халықаралық әуежайы 25 сәуірде Ыстанбұл, Маскат және Бейжіңге бағытындағы жолаушылар рейсін қайта жандандырады.
Әрмен қарай сұранысқа байланысты рейстердің ұшуы кезең-кезеңмен жүзеге асырылады.
Иран билігі бұған дейін төрт кезеңнен тұратын жоспардың бөлігі аясында әуе қатынасын кезең-кезеңімен қалпына келтіретінін жариялаған. Бастапқыда елдің шығыс бөлігіндегі рейстер қайта жанданды, содан кейін Тегеран әуежайын қоса алғанда негізгі әуе тораптары қайта ашылды.
Халықаралық рейстер тоқтатылған кезде әуежай жүк тасымалдарына қызмет көрсетуді жалғастырды, бұл ретте шетелдік әуе компаниялары өз ұшақтарын елден қайтарып алды.
Бұдан алдын ұлттық әуе тасымалдаушысы Iran Air ішкі рейстерді қайта жандандыра бастаған. Тегеран-Мешхед бағыты бойынша алғашқы рейс 22 сәуірде ұшты, ал келесі рейстер 25 және 26 сәуірге жоспарланған.
Әуе қатынасы 28 ақпанда Израиль мен АҚШ-тың соғыс әрекетінен кейін тоқтатылған. 8 сәуірден бастап атысты тоқтату режимі күшіне енді, соның аясында Иран көлік инфрақұрылымын біртіндеп қалпына келтіріп жатыр.
