Астанада Ашаршылық құрбандарына арналған ескерткіш тақтадағы «голодомор» сөзі «голод» деп түзетілді. Orda.kz ақпараттық ресурсының хабарлауынша, бұл сөздің ағылшынша нұсқасы да өзгертілгенімен, қазақшасы бұрынғыдай қалған.
Threads-тегі «Қызыл отау» парақшасында хабарлауына қарағанда, бұл өзгерту Әлімжан Ізбасаров есімді белсендінің жеке шағымы негізінде жасалғанын
Бұған дейін тақтайшада жазылған «голодомор» термині қолдан жасалған ашаршылықты білдіретіні айтылған. Жазбаға сәйкес, «голод» сөзі аштықты жалпы құбылыс ретінде сипаттап, оның әдейі ұйымдастырылғанын жоққа шығарады.
«Голодомор – Кеңес үкіметінің қасақана халықты ашаршылық арқылы қырып тастауын білдіретін, шындыққа еш қатысы жоқ үгіт-насихат… Біз ашаршылықты және оның құрбандарын жоққа шығармаймыз. Бірақ мұның әдейі жасалғанын немесе толығымен Кеңес үкіметінің кінәсі екенін мойындай алмаймыз», – делінген жазбада.
Қазақстанда Кеңес одағы орнағаннан кейін бірнеше Ашаршылық болған. Өткен ғасырдың жиырмасыншы-отызыншы жылдары болған Ашаршылықта жүз мыңдаған адам қырылып қалған. Оның нақты саны шамамен бірнеше миллионды құрайды. Кеңес одағының басқа да өлкелерінің бірі Украинада да осындай Ашаршылық болған. Киев билігі «голодоморды» Совет одағының халыққа қарсы қасақана әрекеті ретінде таниды. Мұны қазіргі Мәскеу өзіне қарсы әрекет ретінде қабылдап, «голодомор» жайлы айтылса, дау тудыратын болған.
