Ресей президенті Владимир Путин Қытай сапарының қорытындысы бойынша өткен баспасөз конференциясында Владимир Зеленскиймен кездесу мүмкіндігі туралы пікір білдіріп, ондай кездесуді ешқашан жоққа шығармағанын еске салды, деп хабарлайды Kazinform тілшісі ТАСС агенттігіне сілтеме жасап.
Путиннің айтуынша, мұндай келіссөздерді өткізуді одан Дональд Трамп сұраған. Осыған байланысты Ресей басшысы Зеленскийді Мәскеуге келуге шақырды.
— Егер Зеленский дайын болса — Мәскеуге келе берсін, ондай кездесу өтеді, — деген Путин өзінің әзірлігі жайында тоқталмаған.
Ол АҚШ басшысы Дональд Трамппен болатын ықтимал кездесу туралы да пікір білдірді.
— Кездесудің уақыты белгісіз, дайындық жүргізіліп жатқан жоқ, бірақ шақыру үстелде жатыр, — деді ол.
Еске салайық, Ақ үй басшысы Путинмен Анкоридждегі кездесуден кейін өткен бірлескен баспасөз конференциясында Мәскеуге жауап ретінде мұның мүмкін екенін айтқан еді.
