Қазақ қазақ болғалы талай қилы кезеңнен, талай қилы заманнан өтті. Оның бәрі — бүгінде тарих. Ол тарихтың бүгінде ашылған тұстары да, айтылмаған, ақтаңдақ тұстары да көп. Әсіресе, еліміз тәуелсіздік алар қарсаңындағы бес жыл мен тәуелсіздік алғаннан кейінгі бес жыл, яғни, 1985-1995 жылдарға дейінгі аралықтағы саяси тарихымыздағы «осы қалай?» дейтін, тасада қалған жайттар жиі кездеседі.
Д.Қонаев кетер қарсаңындағы Қазақстан билігіне тартыс 1995 жылы жаңа конституция қабылдап, Н.Назарбаев билікті түгел өзіне алғанға дейін жалғасты.
Міне, осы аралықтағы ірі саяси және қоғамдық оқиғаларды «Қилы кезең» деген тізбекті хабар аясында баяндап шықтық. Әр оқиғаны көзімен көргендермен сөйлестік. Әр мәліметті дәлелмен баяндауға ұмтылдық.
Тізбекті хабар бас-аяғы 10 бөлімнен асады деп жоспарланған.
Видеоны мына сілтемеге өтіп көре аласыз.
