Каспий құбыр консорциумы (КҚК) жүк жөнелтушілерден мұнай қабылдауды және оны Новороссийск теңіз терминалы арқылы тиеу операцияларын қайта бастады.
Бұл туралы Қазақстан энергетика министрлігі хабарлады.
Минситрліктің мәліметінше, КҚК-ның екі айлақ құрылғысында SEAMAJESTY және MILOS танкерлеріне мұнай тиеу жұмыстары жүргізіліп жатыр. Екі кеме де «Теңізшевройл» компаниясы өндірген мұнайды қабылдауда.
Мұнай қабылдаудың қайта жандануы мұнай өндіруші компанияларға шикізатты құбыр жүйесіне жеткізуді жалғастыруға және теңіз терминалы арқылы экспорттық операцияларды қайта бастауға мүмкіндік береді.
«Теңіз терминалындағы операциялар ағымдағы жағдайды бағалау және қауіпсіздік талаптарын сақтау ескеріле отырып жүргізіліп жатыр», — делінген министрліктің хабарламасында.
Энергетика министрлігінің мәліметінше, ведомство КҚК басшылығымен, ірі жүк жөнелтушілермен және үдеріске қатысушы өзге де тараптармен тұрақты байланыста жұмыс істеп келеді.
Министрлік жағдайды бақылауды жалғастырып, қазақстандық мұнайды одан әрі тасымалдауды қамтамасыз етуге бағытталған іс-қимылдарды үйлестіріп жатқанын айтады
Айта кетейік, 20 шілдеде Каспий құбыр консорциумының теңіз терминалында Қазақстан мұнайын тиеп жатқан екі танкерге ұшқышсыз ұшу аппараттарымен шабуыл жасалған. Осыдан кейін мұнай экспортын тиеу уақытша тоқтатылған болатын. Шабуыл кезінде Nordic Zenith, ASIA, NISSOS IOS және NELSA танкерлері терминалда болған. КҚК мәліметінше, бірнеше кеме мұнай тиеу барысында шабуылға ұшырап, өрт шыққан.
Қазақстан КҚК арқылы мұнай тасымалдаған азаматтық кемелерге жасалған шабуылды қатаң айыптаған.
