Астанада шетелдік азаматтарға жеке сәйкестендіру нөмірлерін (ЖСН) заңсыз рәсімдеу схемасы анықталып, қылмыстық іс қозғалып, сотқа жолданды.
Бұл туралы қаржылық мониторинг агенттігінің баспасөз қызметі хабарлады.
«2024–2025 жылдары өтініш берушілердің елге келуінсіз-ақ ЖСН рәсімдеуге заңсыз көмектесетін қылмыстық схема ұйымдастырылған», — делінген жұма күнгі хабарламада.
Мәліметке қарағанда, қолданыстағы заңнамаға сәйкес шетел азаматтарына ЖСН беру олардың Қазақстан аумағындағы құзырымен және міндетті биометриялық сәйкестендіруден өтуі арқылы ғана жүзеге асырылуы мүмкін болатын.
Хабарланғандай, схеманы жүзеге асыру үшін әлеуметтік желідегі арна пайдаланылып, сол арқылы ЖСН-ды қашықтан алуға мүдделі шетел азаматтары іздестіріліп, тартылған.
Тергеу нұсқасы бойынша, қылмыстық әрекетке «Азаматтарға арналған үкімет» мемлекеттік корпорациясының Астана қаласы бойынша филиалының қызметкерлері тартылған. Олар ХҚКО ақпараттық жүйесіне көрінеу жалған мәліметтер енгізіп, ЖСН алуға қатысты жалған өтінімдер рәсімдеген.
Заңсыз сыйақы делдалдар арқылы банк аударымдары түрінде беріліп, кейін схемаға қатысушылар арасында бөлінгені аталып өтілген.
