Президент Қасым-Жомарт Тоқаев Мемлекеттік күзет қызметінің (МКҚ) өкілеттігін кеңейтетін, соның ішінде оның қызметкерлеріне терроризмге қарсы операция (ТҚО) жүргізу аймағында терроршыларға қарсы ескертусіз қару қолдану құқығын беретін заңға қол қойды.
Бұл туралы ҚазТАГ агенттігі хабарлады.
«Антитеррорлық операция жүргізу аймағында антитеррорлық операцияға қатысушы Қазақстан Республикасы Мемлекеттік күзет қызметінің қызметкерлері және (немесе) әскери қызметшілері терроршыларға қарсы күш қолдануға, қызметтік жануарларды, арнайы құралдарды, қаруды, жауынгерлік және өзге де техниканы осы Заңда және Қазақстан Республикасының өзге де заңдарында көзделген ескертусіз және шектеусіз қолдануға құқылы», — делінген заңда.
Заңға 10 маусымда қол қойылған және ол алғашқы ресми жарияланған күнінен кейін күнтізбелік 60 күн өткен соң қолданысқа енгізіледі.
2022 жылғы Қаңтар оқиғасы кезінде президент «қылымыскерлері мен кісі өлтіргендерге ескертпестен оқ ату» жайында айтқан болатын.
