Иран Ормуз бұғазы арқылы кеме қатынасы бойынша даулар жалғасып жатқан кезде навигациялық қызметтер үшін үшін ақы алатынын мәлімдеді.
Бұл туралы Kazinform агенттігі хабарлады.
Хабарға қарағанда, Иран сыртқы істер министрлігінің ресми өкілі Исмаил Бақаи дүйсенбі күні Тегеран Ормуз бұғазы арқылы өтетін кемелерден «навигациялық қызметтер» үшін ақы алып жатқанын, алайда мұны бұғаздан өту үшін алынған алым ретінде қарастырмайтынын айтқан.
«Ормуз бұғазы, Парсы шығанағы және Оман теңізінде навигациялық көмек және қоршаған ортаны қорғау шараларын қоса алғанда көрсетілетін қызметтер белгілі бір алым жинауды талап етеді», — деген Бақаи апта сайынғы өтетін баспасөз жиынында.
Бақаи Иран мен Оманның Ормуз бұғазындағы кеме қатынасының қауіпсіздігі үшін хаттама бойынша жұмыс істеп жатқанын және тиісті тетікті құру бойынша консультациялар жүргізіліп отырғанын хабарлады.
Айтуынша, Тегеран мен Маскат бұғазды еркін сауда және қауіпсіз кеме қатынасы үшін пайдалануды қолдайды.
Тегеранның мәлімдемелері Парсы шығанағы мен Ормуз бұғазы кеме қатынасы басқармасы (PGSA) БАӘ мен Оман талап ететін сулардың бір бөлігін қамтитын реттеуші аймақтың картасын жариялағаннан кейін бірнеше күн өткен соң жасалды.
Жауап ретінде Бахрейн, Кувейт, Қатар, Сауд Арабиясы және БАӘ Халықаралық теңіз ұйымына бірлескен хат жолдап, кеме компанияларын PGSA-мен байланыс орнатпауға және Иран ұсынған бағыттарды пайдаланбауға шақырды.
Ормуз бұғазы әлемдегі ең маңызды энергия ресурстарын жеткізу жолдарының бірі болып қалып отыр. Қалыпты жағдайда бұғаз арқылы әлемдік мұнай мен газ саудасының шамамен бестен бір бөлігі өтеді.
Осыған дейін Иран Ормуз бұғазын басқаруға арналған жаңа органның құрылатыны айтылған.
28 ақпанда Израиль мен АҚШ әскері Иранға қарсы дрон, зымыран және әуе шабуылын ұйымдастырып, жоғары басы аятолла Хаменеи бастатқан елдің ондаған әскербасыларының көзін жойған. елдің инфрақұрылымына шабуылдаған. Кейін Иран Ормуз бұғазын жауып тастағанда, АҚШ та оны сырттан қоршап, кемелерді бұғаздан шығармай, немесе бұғазға барғызбай кедергі жасап келеді. Иран мен АҚШ 8 сәуірде уақытша бітім жариялағанымен, соғысты аяқтау туралы келіссөз жалғасуда. Ормуз мәселенің басты бөлігі болып отыр.
