Тамыз айында Қазақстанда парламент сайлауы өтеді. Президент Қасым-Жомарт Тоқаев бұл жөнінде 10 сәуірде ғалымдарды марапаттау кезінде айтты.
Қазақстанда 12 сәуір — ғалымдар күні, президент сол қарсаңда Ақордада ғалымдарды марапаттап, жас ғалымдарға үйдің кілтін табыс етті.
«Мемлекет басшысы ретінде еліміз үшін елеулі оқиғалар туралы алдын ала ақпарат беру өте маңызды деп санаймын. Конституция күшіне енген сәттен бастап бір палаталы Құрылтай сайлауын өткізу жөніндегі жарлыққа қол қоямын. Сайлау биыл тамыз айында өтеді. Мұны әдейі ерте айтып отырмын. Өйткені партиялардың жоспарларын айқындап, сайлау науқанына дайындық жүргізуіне жеткілікті уақыты болуы керек,»- деген президент Тоқаев Ақордада ғалымдармен кездесуінде.
Айтуынша, Құрылтай сайлауы «Қазақстанның бүкіл саяси жүйесін жаппай «қайта құруға» жол ашатын» көреді.
2026 жылғы 15 наурызда Қазақстанда жаңа Конституция жобасы бойынша референдум өткен. Ресми қорытынды бойынша, 73,12 пайыз сайлаушы дауыс беріп, солардың 87,15 пайызы жаңа Конституция жобасын қолдаған. Бұдан соң жаңа негізгі заң 1 шілдеде күшіне енетіні хабарланған. Жаңа Конституция бойынша парламент сайлауы мерзімінен бұрын өткізілмек. Тиісінше президент сайлауы қайтадан өте ме, бұл туралы әзірге нақтыланған жоқ. Бұған дейін президенттің ескі Конституция бойынша 2029 жылға дейін қызметте болатыны айтылған. Алайда бұл айтылғандарға құқықтық баға берілген жоқ.
