Республикалық маңызы бар автожолдардың 200-ге жуық учаскесі су басу қаупі бар аймақта тұр, деп хабарлайды «ҚазАвтоЖол» компаниясының баспасөз қызметі.
«200-ден астам учаскеге су басу қаупі төніп тұр. Бүгінгі таңда республикалық жолдарда екі дерек тіркелді, бірақ олар шағын, жергілікті сипатта. Сонымен қатар, бұл 60–70-ші жылдары салынған автожолдарға қатысты екенін айтқым келеді. Жаңа жолдарда бүгінгі күні айқын қауіп жоқ», – деп мәлімдеді компанияның басқарма төрағасы Дархан Иманашев.
Нақтыланғандай, қауіпті болуы мүмкін учаскелердің басым бөлігі жарты ғасырдан астам уақыт бұрын салынған жолдарға тиесілі.
