АҚШ президенті Трамптың арнайы өкілі Стив Уиткофф пен Трамптың күйеубаласы Джаред Кушнер Мәскеуде Ресей президенті Владимир Путинмен бес сағат келіссөз жүргізіп, кейін Вашингтонға ұшып кетті. Негізі Уиткофф Путинмен келіссөзден соң Украина президенті Владимир Зеленскиймен кездесуі керек еді. Осылайша Вашингтон мен Киев арасында жоспарланған бұл кездесу болмай қалды.
Азаттық радиосының хабарлауынша, дипломатиялық жұмыстарда тәжірибесі жоқ, бұрын жылжымайтын мүлік саласында басшылық жасаған Уиткофф Кремльден шыққан соң комментарии бермеген. Ол сол күйі АҚШ-тың Мәскеудегі елшілігіне барған, кейін АҚШ-қа жолға шыққан. Бұл – Путин мен Трамп өкілінің қаңтардан бергі алтыншы кездесуі.
Тараптар кейін бес сағаттық кездесу «конструктивті болғанын» мәлімдеген. Дегенмен Путиннің сыртқы саясат бойынша негізгі кеңесшісі Юрий Ушаков Ресей басылымдарына бұл кездесуде тараптар «ымыраға келмегенін» айтып қалды.
Ушаков «Американың кейбір ұсыныстары Ресейге қолайлы, кейбірі қолайлы емес» және «АҚШ бейбітшілік жоспарының нақты тұжырымдамасы талқыланбады» деп мәлімдеді.
Оның айтуынша, кездесуде «территория мәселесі» де сөз болған.
«Біз территория мәселелері шешілмей Украинадағы дағдарыс шешіледі деп айта алмаймыз. Шынымен алға жылжу керек болса, Мәскеу мен Вашингтон дұрыстап іске кірісуі керек,»- дейді Ушаков.
