Асылхан Мамашұлының «Қилы кезең» деректі фильмінің сегізінші бөлімінде 1991 жылы жаңарған одақ туралы келісімге қол қойылады деген кезде өріс алған «Тамыз бүлігі», Қазақстан басшылығының сол кездегі ұстанымы, Назарбаевтың, қоғамдық ұйымдардың және баспасөздің әрекеттері талданады.
Видеоны мына сілтемеге өтіп көре аласыз.
Дінмұхаммед Қонаев кетер қарсаңындағы Қазақстан билігіне тартыс 1995 жылы жаңа конституция қабылдап, Н.Назарбаев билікті түгел өзіне алғанға дейін жалғасты.
«Қилы кезеңде» осы аралықтағы ірі саяси және қоғамдық оқиғалар қамтылған. Оқиға куәгерлері, деректер не дейді? Әр мәліметті дәлелмен баяндауға талпыныс жасалды.
Бүгінгі сегізінші бөлімда талқыланатын тақырыптың қысқаша мазмұны.
– Жаңарған одақ деген қандай одақ?
– Ельциннің Алматыға сапары
– Мәскеуде бүлік шықты
– Тамыз бүлігі Қазақстан қалай қабылдады?
– «Назарбаевты қамайды»
– Жоғары кеңес «Тамыз бүлігінде» не істеді?
– «Азат» қозғалысының әрекеті
– Баспасөздің әрекеті
– Тамыз бүлігінен кейінгі Назарбаевтың мақтауы, партиядан шығуы
– Назарбаевтың баяндамасы
– Бүлікті қолдаушыларды әшкерлеу қалай жүрді?
– Семей полигонын кім жапты?
– Қазақстан компартиясы қалай тарады?
