Алматыда Қайрат шағынауданындағы ірі күрделі құрылыс бұзылды. Меншік иесі нысанды рұқсатсыз салған, деп хабарлады Қазинформ 27 мамыр күні.
Алматының қала құрылысын бақылау басқармасының мәліметінше, жоспардан тыс тексеру нәтижесі бойынша басқарма меншік иесіне қатысты құрылыс-монтаж жұмысын тоқтата тұруға және учаскені бастапқы қалпына келтіруге нұсқама берген.
Алайда, меншік иесі талапты орындамағаны, осыған байланысты істің сотқа жолданғаны айтылады.
«2024 жылы 27 наурыз күні Түрксіб аудандық сотының шешімімен басқарманың талабы қанағаттандырылды. Сот шешімін орындау үшін меншік иесі нысанды өз еркімен бұзды», — деп хабарлады басқармадан.
Айта кетейік, былтырдан бері қала бойынша 35 заңсыз нысан бұзылды.
