29 қыркүйекте президент Қасым-Жомарт Тоқаев пен Дональд Трамптың АҚШ-тағы кездесуінің фотосуреті жарияланды. Суретті Қазақстан президентінің көмекшісі — баспасөз хатшысы Руслан Желдібай Телеграм-арнасында жариялады.
Сурет Қазақстан басшысының 22 қыркүйекте Нью-Йоркте өткен БҰҰ бас ассамблеясы сессиясы аясындағы кездесуде президент Трамппен сөйлесті дегеннен кейін тура бір аптадан соң жарияланып отыр. Сапар кезінде Қазақстан президентінің америкалық іскерлік орта өкілдерімен кездесуі жайында ресми ақпарат көздерінде жеке-жеке мәлімет жарияланып жатты. Президент Тоқаев БҰҰ қабырғасындағы кездесуде басқа да елдері басшыларымен жүздескен.
Осы кезде Өзбекстан басшысы Шавкат Мирзияевтің президент Трамппен кездесуінен суреттер мен бейне-көріністер жиі тарады. Бұл Қазақстандағы қоғамдық пікір ауанына да әсер етті. Әлеуметтік желіде Қазақстан басшысын Өзбекстан президентімен салыстырып, Ташкент басшылығының сапары сәтті болған сияқты деген болжамдар айтылған.
Қазақстан президентінің БҰҰ жиынына сапарынан кейін бірінші кезекте сыртқы саясат мекемесін басшысы және өзінің кеңесшілерін бір демде ауыстыруы да ел назарын аударған. Көпшілік президент Тоқаевты Трамппен Мирзияев сияқты деңгейде кездеспеуін сыртқы саясат шенеуніктерінен көретіндігіні айтып, сынап жатты.
Осындай қоғамдық пікір туындаған соң, кездесуден бір аптадан кейін Тоқаев пен Трамптың кездесуінің суреті жарияланып отыр. Әзірге кездесу суреті неге өз уақытында жарияланбады, неге бір апта өткен соң барып таратылып отыр деген сауалға жауап берілмеді.
