АҚШ президенті Дональд Трамп Қазақстан президенті Қасым-Жомарт Тоқаевты теміржол жабдықтарын сатып алу бойынша жасалған 4 миллиард долларлық келісіммен құттықтады.
Бұл туралы Трамп Х парақшасында жазды.
«Мен жаңа ғана Қазақстанның аса құрметті президенті Қасым-Жомарт Кемелұлы Тоқаевпен тамаша сөйлестік. Олар тарихтағы ең ірі теміржол жабдықтары туралы келісімге қол қойды. Америкалық локомотивтер мен теміржол жабдықтары үшін жасалған келісім құны 4 миллиард долларды құрайды. Біз жылдар бойы «жалған экологтардың» шабуылына ұшыраған АҚШ-тың теміржол саласына қолдау көрсетуіміз керек. Президент Тоқаевты осы ірі саудамен құттықтаймыз», — деп жазған Дональд Трамп.
Бұдан алдын Қазақстан президентінің БҰҰ-ның штаб-пәтері орналасқан Нью-Йорк қаласына сапарында АҚШ басшысымен кездескені хабарланған.
