Мамырдың 8-інде жаңа Рим папасы сайланды. Бұл жолы АҚШ-тан шыққан кардинал Роберт Прево папалыққа жетті.
Жаңа Рим папасы XIV Лео есімін таңдаған.
Бұл жолғы конклавқа әлемнің 70 елінен рекордтық көрсеткішпен — 133 кардинал қатысқаны хабарланды.
Рим папасын сайлау үшін қатысушылардың үштен екісі дауыс беруі керек болатын. Бұл жолы 89 кардинал америкалық католик дінбасыға дауыс берген.
Прево 1955 жылы Чикагода француз, итальян және испан тектес иммигранттардың отбасында дүниеге келген.
Математика мамандығы бойынша университет бітірген болашақ понтифик 1978 жылы Әулие Августин орденіне енген.
1982 жылы діни қызметкер болып тағайындалдған ол миссиямен Перуге жіберіледі. Сонда ол көп жылдар бойы семинарияны басқарды.
1999 жылы Америка Құрама Штаттарына оралған ол балаларды қорлады деп айыпталған Джеймс Рэй әкейге Чикагодағы монастырда тұруға рұқсат берген кезде дау туындаған.
