Үкімет отырысында ақылы жолдар тарифі 20 пайызға өсетіні белгілі болды. Бұл туралы көлік министрі Мараь Қарабаев айтты, деп хабарлайды Kazinform агенттігі.
«Қазақстандағы ақылы жолдардың тарифі Ресей, Беларусь, Түркия, Қытай, Польша сияқты елдермен салыстырғанда айтарлықтай төмен. Осыған байланысты күтіп ұстауға жұмсалатын шығындарды толық өтеу үшін қолданыстағы тарифті 20 пайызға өсіру мәселесі пысықталып жатыр», — деді Көлік министрі Марат Қарабаев.
Сондай-ақ, ол бұл бастама қолдау тапса, жергілікті жүргізушілерге тиісті жеңілдіктер қарастырылатынын атап өтті.
«Негізгі жүктеме ел арқылы өтетін транзиттік автокөліктерге бағытталады», — деді министр Қарабаев.
Ақпарат агенттігінде министрдің айтқаны ұсыныс ретінде хабарланды. Алайда оның үкімет отырысындағы сөзіне қарағанда, бұл нақты қаралып жатқан мәселе екені байқалады.
