Майқайыңда шахтаға түсіп кеткен автобус табылды, деп хабарлайды Tengrinews.kz тілшісі. Ал 55 жастағы жүргізуші Айып Тілеубергеновтің денесі әлі табылған жоқ.
Павлодар облысы әкімінің баспасөз қызметі мәліметінше, «Майқайыңалтын» кеніші аумағында іздеу жұмыстары әлі жалғасады.
«24 шілдеде кешке жұмыстар барысында құтқарушылардың автобусы табылды. Жаңбыр мен желге байланысты және құлау қаупіне байланысты жұмыстар аса сақтықпен жүргізіліп жатыр», — деп түсіндірді әкімнің баспасөз қызметі.
Еске салайық, бұған дейін «Майқайыңалтындағы» үшінші құтқарушының денесі табылған болатын.
4 қаңтарда Майқайыңда жұмысшылар мінген автобус кеніште опырылған жерге құлап, оны қазып алу жұмыстары әлі бітпей жатыр. Апат кезінде автобуста төрт адам болған.
