Мәдениет және ақпарат министрлігі Қазақстанның елтаңбасын өзгерту мәселесі жақын арада қарастырылмайтынын мәлімдеді. Бұл туралы vlast сайты хабарлаған. Мәліметке қарағанда, «мәселе күн тәртібінен шығарылғанға» ұқсайды. Министрлік елтаңбаны өзгерту мәселесін талқылау барысы туралы осы сайттың ресми сауалына осылай деп жауап берген.
15 наурызда Ұлттық құрылтай отырысында президент Қасым-Жомарт Тоқаев қазіргі елтаңбаны қабылдау тым қиын және оның құрамында «кеңес дәуірінің эклектикасы мен белгілері бар» деп айтуды орынды деп санайтынын» айтқан. Одан алдын «Жаңа адамдар» тобы елтаңбаны өзгерту мәселесін көтерген.
Президент сонда қоғамдық талқылаулар өткізу үшін арнайы комиссия құрып, Қазақстанның жаңа мемлекеттік елтаңбасының ең үздік эскизіне ашық конкурс жариялауды ұсынған.
Сәуір айының басында қаржы министрі Мәди Тақиев су тасқынына байланысты елтаңбаны өзгерту туралы шешімді кейінге қалдыру керек деген пікір білдірген.
Қаржы министрлігі де аталған сайттың ресми сауалына берген жауабында биыл мәдениет министрлігі жаңа елтаңба үшін қаржат сұрамағанын айтқан.
