Көрнекті қоғам қайраткері, тәуелсіздіктен кейін Қазақстанда авторитарлық билік күшейгенде оппозицияда болған белгілі шығыстанушы, мәдениеттанушы филология ғылымдарының кандидаты Мұрат Әуезов 82 жасқа қараған шағында өмірден өтті.
Түркітанушы, мәдениеттанушы, эссеист, дипломат ретінде танымал Мұрат Әуезов былтыр ғана 80 жылдық мерейтойын атап өткен еді.
Ол 1943 жылғы 1 қаңтарда Жамбыл облысы Меркі ауылында дүниеге келген.
Қазақ әдебиетінің көрнекті жазушысы, драматург, ғалым, қазақтың тұңғыш «Абай жолы» роман-эпопеясының авторы Мұхтар Әуезовтің ұлы Мұрат әкесінің өсиеті арқасында туған тіліне, халқына, мәдени мұрасына деген сүйіспеншілік пен құрметті бойына сіңіріп өсті.
1965 жылы М. В. Ломоносов атындағы Мәскеу мемлекеттік университетінің Шығыс тілдері институтын филолог-шығыстанушы мамандығы бойынша бітірді. Мәскеуде «Жас тұлпар» ұйымын құрып, ұлттық идеяны жаңғырту жолында белсенділік танытты.
Қазақстан өз тәуелсіздігін жариялаған кезде де елдегі өзгертулерге белсене атсалысты. «Азамат» қозғалысын кейін осы аттас саяси партияны құрды.
Парламент депутаты болды, сонымен қатар әдеби зерттеулермен айналысты, арасында Қазақстаның Қытайдағы тұңғыш елшісі қызметін атқарды.
Көркемдік процестің теориясы мен практикасы бойынша 200-ден астам жарияланымның, сондай-ақ «Уақытты байланыстырушы талшық» (1972), «Иппокрена. Уақыт құдықтарына бару» (1997) және «Қайту үшін кету» (2002) сияқты танымал монографиялардың авторы.
Мұрат Әуезов 2007 жылдан бері Мұхтар Әуезов атындағы қорды басқарып келген.
