Қазақстанда 23 тамызда өткен бір палаталы Құрылтай сайлауының Еxit poll нәтижесі жарияланды. Бұл сайлаудың нақты көрсеткіші емес, бірақ нәтиженің шамасы қандай болатынын көрсетеді.
Бұл туралы Qazinform агенттігі Еуразиялық интеграция институты жүргізген Еxit poll қорытындысына сүйеніп хабарлады.
Мәліметке қарағанжа, Құрылтай сайлауына үміткер қосқан партиялар сайлаушылардың даусын былай бөліскен:
1. «Әділет» партиясы — 71,8 пайыз,
2. «Ауыл» халықтық-демократиялық партиясы — 6,4 пайыз,
3. Respublica партиясы — 5,4 пайыз,
4. Қазақстан халық партиясы — 3 пайыз,
5. «Ақ жол» Қазақстан демократиялық партиясы — 5,1 пайыз,
6.Жалпыұлттық социал-демократиялық партия — 5,2 пайыз,
7. «Байтақ» жасылдар партиясы — 1 пайыз,
«Бәріне қарсымын» бағаны — 2,1 пайыз.
Сауалнамаға 30 мың сайлаушының қатысқаны айтылады.
Орталық сайлау комиссиясының мәліметінше, тұңғыш Құрылтай сайлауында дауыс берушілер тізіміне енгізілген 9 млн 350 мыңнан астам сайлаушы дауыс берген. Бұл барлық сайлаушылардың 74 пайыздан астамын құрайды делінеді.
Елде 5 пайыздық межені еңсеріп, дауыс жинаған саяси партиялар Құрылтайға сайлана алады.
