Қазақстан президенті Қасым-Жомарт Тоқаев Омбыда Қазақстан-Ресей өңіраралық ХХІІ ынтымақтастық форумында Ресей басшысымен кездесу кезінде Украинадағы соғысты уақытша тоқтатуды ұсынды.
Бұл туралы Азаттық радиосы хабарлады.
Мәліметке қарағанда Қазақстан президенті “Мұның бәрін тоқтату керек. Өйткені, менің ойымша, болып жатқан жағдай қарсыластарға тиімді және оларды қуантпауы мүмкін емес,-” деген.
Қазақстан президентінің айтуынша, оған “Еуропа мен АҚШ-тан Ресей мен Украина арасындағы соғысқа қатысты көп белгі түсіп жатыр”. Ол сонымен бірге “бұл қақтығыстың табиғаты көп адамға түсініксіз, оның ішінде бізге де,”- деген. Тоқаевтың сөзінше, мысалы Армения мен Әзербайжан арасындағы қақтығыстың ұзақ әрі түсінікті қисыны бар.
«Бұл жерде қандай да бір азаматтық соғыс туралы сөз болып отырған жоқ. Біз украин халқына, оның мәдениеті мен тіліне әрдайым құрметпен қарадық. Сондықтан бұл қақтығыстың табиғаты көпшілікке, соның ішінде бізге де толық түсінікті емес деп есептейміз. Мысалы, Әзербайжан мен Армения арасындағы, оның ішінде ұзақ уақытқа созылған қақтығыстың мәні мен шығу төркіні бізге анық еді. Өйткені оның тарихи себептері тереңде жатыр. Ал бұл жағдайдың мәнін түсіну әлдеқайда қиын», — деген Қазақстан басшысы.
“Аляскада барынша дипломатиялық икемділік танытқаныңызды білеміз. [Бұл] менің қарапайым пікірім. Бәлкім, қақтығысты уақытша доғарып, Стамбұл 2.0 формуласына оралған жөн шығар. Әрине, АҚШ сияқты алып державалардың кепілдігімен. Мен араағайын болудан үзілді-кесілді бас тартамын,”- деп қосқан президент Тоқаев.
Ал Путин Тоқаевты Украина бойынша істердің барысы туралы хабардар етіп отыруға уәде берген.
