Shymbulak тау курорты ашық аспан астында өтетін Shymba Morning Rave таңғы рейвтерін өткізу дәстүрін қайта жандандырмақ.
Бірнеше жылдан бері жалғасып келе жатқан ерекше форматтағы бұл іс-шара тау бөктерінде демалуды, заманауи музыка мен салауатты өмір салтын ұнататын жандарды бір арнаға тоғыстырып келеді.
Іс-шара бағдарламасында DJ-сеттер, зумба, Esentai Fit+Spa жаттықтырушылары ұйымдастыратын белсенді жаттығу түрлері қарастырылған. Іс-шара қонақтарына курорт аумағындағы мейрамханалар арнайы сеттер, сондай-ақ тегін кофе, сергітетін сусындар ұсынылады.
«Shymba Morning Rave – қонақтарымыз да, командамыз да асыға күтетін ерекше іс-шаралардың бірі. Іс-шара өтетін күні курорттың Шымбұлақ бас станциясы ашық аспан астындағы үлкен би алаңына айналады. Қонақтар таңды DJ-сеттердің сүйемелдеуімен қарсы алып, би билеп, тау сұлулығана тамсана отырып кофе ішіп, қаланың қарбаласынан демалып ерекше күн өткізе алады. Бұл іс-шара ұмытылмас әсер сыйлап, Shymbulak-та қайта қауыштыруға асығар ерекше көңіл күй сыйлайды», – дейді Shymbulak маркетинг бөлімінің басшысы Сабина Балтабаева.
Биыл Shymba Morning Rave 16 шілдеден басталып, бір ай бойы әр бейсенбі сайын сағат 09:30-дан 12:30-ға дейін өтеді. Іс-шараға қатысу тегін, аспалы жолмен көтерілу ақысы курорт бекіткен тариф бойынша. Анонстарды курорттың әлеуметтік желілердегі ресми парақшаларынан таба аласыздар.
