Мәскеуге екі жүзге жуық дрон шабуылы жасалды, салдарынан 17 адам жараланған.
Ресей қорғаныс министрлігі елдің 17 өңірінде барлығы 555 дрон «ұсталып, жойылғанын» хабарлаған.
Мәскеу қаласының мэрі Сергей Собянин таңғы сағат 09:00-ден кейін астана әуе кеңістігінде шамамен 194 дронның атып түсірілгенін айтқан.
Ресей билігінің мәліметінше, 18 маусым күні таңертең бірнеше украин дроны Мәскеу маңындағы ірі мұнай өңдеу зауытына соққы жасаған. Бұл – осы апта ішінде Мәскеу өңірін жанармаймен қамтамасыз ететін ең ірі кәсіпорынға жасалған екінші шабуыл.
Сонымен қатар Ростов және Белгород облыстарына әуеден соққы жасалған.
Ресейдің ТАСС агенттігінің жазуынша, бұл соңғы екі жылдағы Мәскеуге жасалған ең ірі дрон шабуылдарының бірі саналады.
