АҚШ президенті Доанльд Трамп пен Иран президенті Мәсуд Пезешкиан бейбітшілік туралы алдын ала келісімге қашықтықтан қол қойды.
Азаттықтың хабарлауынша, ақпаратты АҚШ президенті мен Иранның сыртқы істер министрлігі растаған. Өзара түсіністік туралы 60 күнге арналған меморандум барлық жерде, оның арасында Ливандағы атысты тоқтатуды, Тегераннан санкцияны алуды және Иранды қалпына келтіру қорын құруды қарастырады.
“Қол қойылды. Версальда қол қойылды. Қазір ғана қол қойдым” деді Трамп Франция басшысы Эммануэль Макронмен Версаль сарайында кездесуден кейін.
Дегенмен ол “Иран өз міндеттерін атқармаса, шабуыл қайта жалғасады” деп сес көрсетті.
Сәрсенбі күні АҚШ әкімшілігінің өкілдері “Үлкен жетілік” елдерінің кездесуі кезінде журналистер алдында 14 пунктен тұратын меморандумды оқып берген. Келісім сәуірде жарияланған атысты тоқтату мерзімін тағы 60 күнге ұзартады.
Иран осы 60 күнде Ормуз бұғазын ашып, минадан тазартуы керек. Есесіне АҚШ 30 күнде Иранның порттарын ашып, түпкілікті келісімге қол қойылғаннан кейін 30 күнде әскерін әкетуі керек.
Иран құжатта “ешқашан ядролық қару шығармайтынын” растаған. Тараптар ядролық бағдарламаға қатысты барлық мәселені түпкілікті келісімде қарауға келісті.
Бұдан алдын Вашингтон мен Тегеран келісімге 19 маусым күні Швейцарияда ресми түрде қол қоюды жоспарлаған еді. Енді бұл рәсім өтпеуі мүмкін.
