Сирияның экс-президенті Башар Асад Мәскеуге жетті, Ресей оған саяси баспана берді, деп хабарлайды ресейлік ТАСС агенттігі.
Башар Асадқа және оның отбасына саяси баспана беру туралы шешімді Ресей президенті Владимир Путин қабылдағаны айтылуда. Бұл туралы Ресей басшысының баспасөз хатшысы Дмитрий Песков журналистерге хабарлаған.
«Әрине, мұндай шешімдерді мемлекет басшысынсыз қабылдауға болмайды. Бұл — оның шешімі,» — деді Кремль өкілі.
Сонымен бірге, Кремль өкілі бұл туралы ресми мәлімдемелер болмағанын, «кеше дереккөзден ақпарат тарағанын» атап өтті.
«Мен қазір бұл тақырып бойынша ештеңе айта алмаймын, «- деп атап өтті Песков.
27 қарашада қарулы оппозициялық құрылымдар Алеппо мен Идлиб провинцияларында Сирия армиясының позициясына үлкен шабуыл жасады. 7 желтоқсанда кешке қарай олар бірнеше ірі қалаларды (Алеппо, Хама, Дераа және Хомс) басып алып, 8 желтоқсанда Димашыққа кірді, Сирия үкімет күштерінің бөлімшелері қаладан кетті. Сирия үкіметінің басшысы Мұхаммед Ғази Әл-Жалали республикада билікті бейбіт жолмен беруге дайын екенін білдірді. Оппозиция да елде белгілі жүйе қалыптасқанға дейін бұрынғы үкімет өзі қызметін жалғастыра беруге келіскенін хабарлаған.
Башар Асад билігі кезінде үкіметтік күштердің қолынан мыңдаған адам қаза тапты.
Путин бұған дейін өз еліндегі төңкерістен қашқан Қырғызстанның бірінші президенті Асқар Ақаев пен Украинаның бұрынғы президенті Виктор Януковичке саяси баспана бергені белгілі.
