Ұлттық қауіпсіздік комитеті «Астана ЭКСПО-2017» компаниясының бұрынғы кеңесшісі Айдос Есполовтың ұсталғанын растады.
Оның қамауға алынғаны туралы ақпарат бұған дейін бірқатар БАҚ-та жарияланған.
«Аталған факт бойынша Ұлттық қауіпсіздік комитеті сотқа дейінгі тергеу жүргізіп жатқанын хабарлаймыз. Қосымша ақпарат, Қылмыстық іс жүргізу кодексінің 201-бабы 1-бөлігіне сәйкес жария етуге жатпайды,» — деп хабарлады Ұлттық қауіпсіздік комитеті.
Бұрынғы президент Нұрсұлтан Назарбаевтың соңғы әйелі жағынан туысы болып келетін Айдос Есполов «Астана ЭКСПО-2017» компаниясының бұрынғы кеңесшісі және Еуразия технологиялық университеті мен Alatau Asset Management Company құрылтайшыларының бірі болған. Оның ұсталғаны жайлы соңғы апталарды жиі жарияланды. Бірақ ресми мәлімет енді ғана таратылып отыр.
Бұқаралық ақпарат құралдарында хабарланған ақпарат бойынша ол ЭКСПО-2017 көрмесіне дайындық кезінде ақша жымқыру және пара алу ісі бойынша (шамамен 2,2 млрд теңге) ұсталды.
