Президент Трамптың АҚШ-тың шетелдік бағдарламаларын 90 күнге тоқтатуды көздейтін жарлығының күшін жою туралы сот шешімі шықты, деп хабарлайды Kazinform DW-ге сілтеме жасап.
Вашингтонның округтік соты АҚШ президенті Дональд Трамп әкімшілігін 90 күнге сыртқы көмек бағдарламаларын тоқтата тұратын бұйрықтың күшін жоюға және мұндай бағдарламаларды қайта қолға алуға міндеттеді. Бұл туралы 13 ақпан күні Associated Press (AP) хабарлады. Осылайша, Америка Құрама Штаттарының халықаралық даму агенттігін (USAID) қаржыландыруды тоқтатуға қарсы бірінші үкім шығып отыр.
Федералды судья Амир Әли шетелдегі «кенеттен жабылып қалған ұйымдарға орасан зиян келтірілгенін» негізге ала отырып, USAID-тен қаржы алатын екі халықаралық ұйым — ЖИТС-ке қарсы вакцинадан қорғау коалициясы және Жаһандық денсаулық сақтау кеңесі берген талап бойынша уақытша бұйрық шығарды.
Айта кетейік, бұған дейін Трамп әкімшілігінің өкілдері мұндай қаржыландыру бағдарламаларын мұқият зерделеп шығу үшін тоқтата тұрып, содан кейін оны жалғастыру үшін керек-керексіздігін шешу қажет деп мәлімдеген.
