Мемлекет кеңесші Ерлан Қарин кеше өткен Ұлттық құрылтайдың ерекшеліктері мен Президент көтерген бастамаларды атады. Бұл туралы Kazinform хабарлады.
Мемлекеттік кеңесші биылғы Ұлттық құрылтайда президент көтерген мағызды мәселелер ретінде мынаны атады:
— Идеологиялық және гуманитарлық жобалар;
— Ішкі саясат тұжырымдамасын әзірлеу;
— Үкіметтік емес ұйымдар саласындағы заңнаманы жетілдіру;
— Шетелде Абай институттарын ашу;
— Биологиялық әртүрлілікті сақтау жөніндегі халықаралық қор құру;
— Ұлттық цифрлық архив құру;
— «Қазақстан балалары» бірыңғай бағдарламасын іске қосу;
— Әр облыс орталығында ерекше балаларға арналған оңалту және даму орталықтарын ашу;
— Әр облыстық, аудандық орталықтарда, ауылдар мен кенттерде балаларға арналған футбол алаңдарын салу.
Мемкеңесші Ерлан Қарин президент көтерген экономикалық және инфрақұрылымдық бастамалар ретінде мына жайларды атап өтеді.
— Тәуелсіздіктің 40 жылдығына дейінгі ел дамуының бес басым бағытын айқындау: цифрландыру және жасанды интеллект, көлік және транзит, энергетика, агроөнеркәсіптік кешен, адами капитал;
— 2025 жылы нақты секторды қаржыландыру көлемін екі есе арттырып, 8 трлн теңгеге, ал келесі жылдары 10 трлн теңгеге дейін жеткізу;
— 2025-2026 жылдары ірі инфрақұрылымдық жобаларды жүзеге асыру;
— Алдағы төрт жыл ішінде жыл сайын 200-ге жуық инвестициялық жобаны іске қосу;
— Шекара маңы аумақтарын дамыту туралы жаңа заң әзірлеу;
— Астанадан Арқалық, Торғай және Ырғыз арқылы Транскаспий халықаралық көлік дәлізіне тікелей шығатын автожол салу;
— Ядролық энергетика агенттігін құру.
14 наурызда Бурабайда Ұлттық құрылтайдың IV отырысы өткен. Президент Қасым-Жомарт Тоқаев келесі құрылтайды биыл астана болғанына 100 жыл толған Қызылордада өткізуді ұсынған.
