Қазақстандық гимнастшы Нариман Құрбанов Париж Олимпиадасында спорттық гимнастиканың ат снарядындағы жаттығуда күміс жүлдеге қол жеткізді. Ол 15, 433 ұпай жинаған. Ирландиялық Рис Маккленаган 15, 533 ұпаймен олимпиада чемпионы атанды. Қола медальді америкалық Стефан Недорошик еншіледі. Оның ұпайы -15, 300.
Бұл – Қазақстанның гимнастикадан олимпиада ойындарында алған ең алғашқы медалі.
Париж олимпиадасында Қазақстан қазірге дейін бір алтын (Елдос Сметов), бір күміс және екі қола медаль еншіледі. Қоланы дзюдошы Ғұсман Қырғызбаев пен нысана көздеуден Ислам Сатпаев пен Александра Ле командалық жарыста жеңген еді.
