Ақмола облысында АН-2 ұшағының әуеге көтеріле бере апатқа ұшырағаны хабарланды. Бұл туралы төтенше жағдайлар министрлігінің баспасөз қызметіне ресми мәлімет таратты.
ТЖМ мәліметінше зардап шеккендер жоқ.
«Державинск қаласынан 10 шақырым жерде АН-2 ұшағы көтерілу кезінде өртенді», — делінген хабарламада.
Ұшқыш жанып жатқан ұшақтан өз бетінше шығып үлгерген. Қазір өрт сөндірілгені айтылады..
Ендігіде өрттің шығу себебі анықталып жатыр.
Бұдан алдын 3 мамыр күні Қостанай облысында су басқан аймақта қалған науқасты құтқаруға барған санитарлық авиация ұшағы апатқа ұшырап, қарғын суға құлаған.
Наурыз айында депутат Асқар Садықов осы уақытқа дейін әуе ұшақтарында апаттық жағдайға дейін әкелген оқиғаларды жасырып келген көлік министрлігінің жұмысын сынаған. Мәжіліс депутаты авиациядағы әуе апаты мен қақтығыстарын тергеу жұмыстары дұрыс ұйымдастырылмағанын айтып, ұшақ апаттарын тексеруді ТЖМ-ге беруді талап еткен еді.
1941 жылдан бері Қазақстанда 89 әуе апаты тіркелген. Қазақстан азаматтық авиациясының сапасы әлі оңалмай келеді. Қызмет ұсынушы компания саны өте аз. Бәсекелестік жоқтың қасы. Ал тұтынушылар саны жыл санап өсіп келеді.
