Кейінгі бес жылда Каспийдің Қазақстан жағалауында, Маңғыстау тұсында 58 адам мерт болған. Бұл туралы бас прокуратура хабарлап отыр.
Соңғы 5 жылда Каспий теңізінде 58 адам мерт болды, оның ішінде 14-і кәмелет жасқа толмағандар.
Келеңсіз оқиғаларды алдын алу үшін Маңғыстау облысының прокуратурасы судағы қауіпсіздік шараларын қатаң сақтау қажеттігін ескертеді.
Қазақстанда жаз мезгілінде суға шомылу науқанында қауіпсіздік шаралары жеткілікті ескерілмейді. Жағалау күзеті қызметі де жолға қойылмаған. Соның салдарынан бақылаусыз су жағалауларында жылына ондаған адам суға кетеді. Әсіресе, балалар қауіпсіздігі заң орындары тарапынан ескерту деңгейінде ғана қалып отыр.
