Шәкен Айманов атындағы «Қазақфильм» ұлттық киностудиясы» АҚ вице-президенті сотталды.
Антикордың хабарлауынша, Алматының Бостандық аудандық соты Шәкен Айманов атындағы «Қазақфильм» ұлттық киностудиясының» бұрынғы вице-президенті С. Жұбандықовқа қатысты үкім шығарды.
«Ол Алматы облысы Іле жағалауындағы «Көшпенділер» киножобасы аясында нарықтық құнынан 44 есе төмен бағамен салынған «Түркістан қаласы» бутафориялық бекінісін заңсыз іске асыру жолымен мемлекетке залал келтіре отыра жымқырғаны үшін сотталды.
Сот үкімі бойынша, Жұбандықовқа шартты түрде 5 жыл мерзімге бас бостандығынан айыру жазасы тағайындалды», — делінген хабарламада.
Сонымен қатар, активтерді қайтару бойынша жүргізілген жұмыстар нәтижесінде жер учаскесі мен бекініс мемлекет меншігіне қайтарылғаны айтылды.
Әзірге үкім заңды күшіне енген жоқ.
