Қызылорда облысының әкім болып келген Нұрлыбек Нәлібаев премьер-министрдің бірінші орынбасары қызметіне тағайындалды, деп хабарлайды Ақорданың баспасөз қызметі.
«Мемлекет басшысының жарлығымен Нұрлыбек Машбекұлы Нәлібаев Қазақстан Республикасы премьер-министрінің бірінші орынбасары болып тағайындалды, ол бұрынғы атқарған лауазымынан босатылды», – делінген хабарламада.
Бұған дейін ол 2022 жылдың сәуірінен бастап Қызылорда облысының әкімі қызметін атқарған. Оған дейін, 2021 жылдың сәуірінен бастап премьер-министр кеңсесінің өңірлік даму бөлімінің меңгерушісі болған. Ал одан бұрын – 2013 жылдан бастап Қызылорда қаласының әкімі болып жұмыс істеген.
Көбіне Қызылорад облысында әкімдік қызметінде болған Нұрлыбек Нәлібаев – белгілі шенеунік марқұм Бердібек Сапарбаевтың немере інісі. Ел ішінде мақтаулы әкім ретінде танымал. Рейтинг жағынан да жоғары шенеунік.
2022 жылдың қаңтарынан бері премьер-министрдің бірінші орынбасары лауазымын атқарып келген Роман Склярды Тоқаев кеше Қазақстан президенті әкімшілігінің басшысы етіп тағайындаған.
