Сенбі күні Исламабадта өткен келіссөзде АҚШ пен Иран ортақ келісімге келе алмады. АҚШ вице-президенті Джей Ди ВэнсТегеран ядролық қаруға қатысты міндеттеме алғысы келмейді мәлімдесе, Иран тарапы АҚШ-ты шамадан тыс талап қойды деп кінәлады. Сарапшылар бұл жағдай Таяу Шығыстағы әскери шиеленіс қаупін арттыруы мүмкін дейді.
Азаттықтың хабарлауынша, жарты ғасырға жуық уақыттан кейін алғаш рет бетпе-бет кездесіп, келіссөз өткізген АҚШ пен Иран делегациялары Исламабадтағы күрделі дипломатиялық диалогта ортақ келісімге келе алмады. Келіссөзге АҚШ-тан вице-президент Джей Ди Вэнс бастаған, Иран жағынан мәжіліс төрағасы Мұхаммад Багер Галибаф жетекшілігіндегі делегациялар қатысқан.
Жабық форматта өткен келіссөздерден кейін, 12 сәуірде таңертең баспасөз брифингінде АҚШ вице-президенті Джей Ди Вэнс келіссөз «мазмұнды» өткенін, алайда Тегеран Вашингтонның негізгі талаптарына келіспегенін мәлімдеді. Сондай талаптардың арасында ядролық қару жасамауға міндеттену және кеме қозғалысын қалпына келтурі үшін Ормуз бұғазын ашу жайлы шарттар бар. 28 ақпанда АҚШ пен Израиль Иранға қарсы әуе шабуылдарын бастағаннан кейін Иран бұғазды жауып, кеме қозғалысына шектеу салған.
Келіссөздің бұл кезеңі 3 раунды құраған, барлығы 21 сағатқа созылған.
