Израиль премьер министрі Биньямин Нетаньяху Иранның жоғарғы көсемі Аятолла Әли Хаменеи «бұл өмірде енді жоқ» деп мәлімдеді. Оның сөзін Reuters ақпарат агенттігі таратты. Израильдің екі телеарнасы мен басты басылымдары Хаменеи «өлтірілгенін» хабарлады.
Израильдің ресми өкілдері Reuters ақпарат агенттігіне Иранның жоғарғы көсемі Аятолла Әли Хаменеидің мәйіті резиденциясы үйіндісінің астынан табылды деген. Аятолланың резиденциясын бұдан алдын Израиль әскери ұшақтары әуеден соққы жасап, күл талқанын шығарған болатын.
Хаменеидің қаза тапқаны жайлы хабарды әзірге тек Израиль тарабы айтып жатыр.
28 ақпанда Израиль мен АҚШ бірігіп, Иранға соққы жасаған еді. Екі тарап та «Ираннан төнген қауіпті жою жайлы» айтқан.
Бұған дейін Иран сыртқы істер министрлігі ВВС сайтына АҚШ пен Израильдың соққысынан жоғары билік өкілдері зардап шеккен-шекпегенін нақты айта алмайтынын мәлімдеген. Ал таңертеңгі шабуылдан соң Иран тарабы «шабуылдан Хаменеи зардап шеккен жоқ» деген еді.
