АҚШ-тың Қазақстандағы елшісі Дэниел Розенблюм дипломатиядағы қызметін Қазақстанда аяқтап, еңбек демалысына шығып отыр.
«АҚШ-тың Қазақстандағы елшісі қызметін атқару мен үшін үлкен мәртебе болды. Бұл достықты нығайту, серіктестіктерді қалыптастыру және екі ел арасындағы байланысты күшейтуде бірлескен жұмыс жүргізу сияқты керемет үлкен жол болды. Бұл тек сөз жүзінде ғана емес, іс жүзінде шынайы жол болды, — деп жазған Дэниел Розенблюм Instagram парақшасында.
АҚШ елшісі қазақ тілінде үндеу жолдаған
«Құрметті Қазақстан халқы, менің құрметті достарым мен әріптестерім. Сіз білетіндей, жан-жақты ойлана келе, мен 20 қаңтардан бастап Қазақстандағы АҚШ елшісі қызметінен зейнетке шығу шешімін қабылдадым. Бірнеше айдан кейін АҚШ Мемлекеттік департаментіндегі 28 жылдық қызметтен кейін зейнетке шығамын. Өткен жұма күні мен Қазақстанның барлық 17 өңірін аралап шықтым деп мақтанышпен айта аламын. Қайда барсам да, түрлі сала мен кәсіп мамандарымен жүздестім, барған жерімде мені қонақжайлықпен қарсы алды. Мені құшақ жая қарсы алып, өздерінің тарихымен, дәстүрімен ашық-жарқын бөліскені үшін мен Қазақстан халқына дән ризамын. Қазақстанда көрсеткен ыстық ықыластарыңыз бен қонайжайлылықтарыңыз үшін шын жүректен алғыс білдіремін. Сонымен қатар Қазақстан Үкіметіне серіктестік үшін шынайы ризашылығымды айтамын. Біз бірге көп нәрсеге қол жеткіздік. Екі ел арасындағы сауда байланыстарын кеңейтіп, білімді насихаттадық, әйелдер мен жастарды қолдадық. Сондай-ақ Қазақстанның бай мәдени мұрасын бірге дәріптедік. Бірлескен күш-жігерімізбен бейбітшілік, қауіпсіздік және экономикалық өркендеу сияқты ортақ мақсаттарымызға айтарлықтай ілгері бастық,» — деп дипломат қазақстандықтарға алғыс айтты.
63 жастағы Дэниел Розенблюм АҚШ-тағы Дональд Трамп президент болып сайланған сайлаудан тура бір айдан соң, 5 желтоқсанда өзінің Мемклекеттік департаменттегі 28 жылдық қызметін аяқтап, еңбек демалысына шығатынын жариялаған болатын. Ол 2022 жылы Қазақстандағы елші болып тағайындалғанға дейін Өзбекстандағы елші қызметін атқарған.
