Ақ үйде өткен келіссөздерден кейінгі брифингте Украина президенті Владимир Зеленский Ресей президенті Владимир Путинмен екіжақты форматта кездесіп, одан кейін АҚШ президенті Дональд Трамппен үшжақты келіссөздер өткізуге дайын екенін мәлімдеді. Бұл туралы dw хабарлады.
Кремль бұған дейін бұл мәселені айқындамай, тек келіссөздердің «деңгейін көтеру» ниетін білдірген болатын. Зеленскийдің айтуынша, Украина бітім келіссөздерінің шарты ретінде атысты тоқтатуды талап етпейді.
«Мен ешқандай шартсыз кездесіп, соғысты тоқтатудың бжолы неде екенін ойластыруымыз керек деп ойлаймын», — деді Украина президенті.
Айтуыншва, Украинаның қауіпсіздік кепілдігінің егжей-тегжейі он күн ішінде пысықталады. «Киев өз шеңберінде қаржылай көмек алғысы келеді, ол экономиканы қолдауға және АҚШ-тан қару-жарақ сатып алуға жұмсалады,»- деді Украина басшысы.
Зеленский Трамптың АҚШ-тың соғыстан кейін Украинаға қауіпсіздігіне кепілдік беруге қатысуға дайын екендігі туралы мәлімдемесін «ілгері жасалған үлкен қадам» деп атады.
Зеленский «Территория мәселесін Путин екеумізге қалдыратын жай», — деді.
Оның айтуынша, тағы бір маңызды тақырып — Ресей ұрлап кеткен Украина балаларды қайтару.
Зеленский сондай-ақ Трамптың Ресеймен «бәрі барлығы үшін» қағидаты бойынша тұтқындарды алмасуға көмектесуге дайын екенін мәлімдеді. Оның айтуынша, бұл мәселе тек әскерилерге ғана емес, бейбіт тұрғындарға, журналистерге, саяси тұтқындарға да қатысты.
