Алматы мен Атырауда адамды бет-әлпетінен тану үшін бейнебақылау камераларына жасанды интеллект (ЖИ) қосылды. Бұл туралы бас прокурорға сілтеме жасап Tengrinews хабарлады.
Бет-әлпетті тану жүйесін енгізу туралы Қазақстанның бас прокуроры Берік Асылов X әлеуметтік желісіндегі парақшасында хабарлады.
Генпрокуратурой усилен надзор за розыском лиц, скрывшихся от правосудия. Прокуроры сами в текущем году путем мониторинга камер видеонаблюдения в местах массового скопления людей распознали и приняли меры к задержанию 53 беглецов.
— Berik Asylov (@Asylov_GenPr) August 6, 2024
Берік Асыловтың айтуынша, бас прокуратура сот төрелігінен жасырынған адамдарды іздестіру барысына қадағалауды күшейткен. Прокурорлар биыл халық көп шоғырланатын жерлерде бейнебақылау камераларына өздері мониторинг жасау арқылы 53 қашқынды танып, ұстау шараларын қабылдаған.
Ал қазір бұл жұмысқа жасанды интеллект тартылды, бірақ әзірге екі қалада ғана іске қосылып отыр.
«Біз биыл тамызда Алматы мен Атырау қалаларында қашқын қылмыскерлерді, борышкерлерді және із-түссіз жоғалғандарды бірден танитын ЖИ элементтерімен IT-қосымшасын бейнебақылау камераларына қостық. Екі күн ішінде тергеуден жасырынған 2 адам және жоғалған 2 адам танылды», — деп жазды бас прокурор.
Ол ЖИ камераларының көмегімен жас пен сырт келбеттің өзгеруіне қарамастан адамдарды тауып, іздеу шараларын күшейтуге болатынын айтты.
«Прокурорларға жүйені барлық өңірлерге енгізу тапсырылды. Қазір 9 мыңнан астам адам іздестіріліп жатыр, оның 2,2 мыңы қылмыскер және 2 мыңы хабар-ошарсыз кеткендер,»- деген бас прокурор.
