Париж соты Францияның бұрынғы президенті Николя Саркозиді бес жыл түрмеге кесті. Сот Францияның бұрынғы президентін «2005-2007 жылдары оның сайлау кампаниясын Муаммар Каддафидің режимі қаржыландыруы үшін астыртын сөз байласты» деп таныды.
Азаттық радиосының хабарлауынша, осы істің «мемлекет қаржысын жымқыру», «жемқорлық», «кампанияны қаржыландыру ережесін бұзуға» қатысты эпизодтары бойынша экс-президент ақталды. Прокуратура оны жеті жылға соттауды сұраған.
70 жастағы Саркози тағылған айыптарды жоққа шығарады. Ол Францияны 2007-2012 жылдары басқарған және 2011 жылы Ливияға әскери басқыншылықты қолдаған. Ізінше Ливияда төңкеріс болып, Каддафи өлтірілді.
Бұл Саркозиге қатысты алғашқы сот процесі емес. 2021 жылы наурызда ол жемқорлық және ықпалды саудалау баптары бойынша кінәлі танылып, бір жыл түрме және екі жыл шартты жаза алған. Оның түрме мерзімі электронды браслет және ішінара үйқамақпен алмастырылған.
Сол жылы күзде Саркози 2012 жылғы кампанияны заңсыз қаржыландыру ісі бойынша тағы бір рет сотталды. Бастапқыда оған берілген бір жыл түрме кейін алты ай электронды браслетпен жүрумен алмастырылды.
Экс-президент былтыр 3 жылға сотталған еді.
